احاجي

السلام عليكم ورحمة الله تعالى وبركاته




-عقبت على دوار العجب صبتهم ياكلوا الفضة و يرميوا الذهب

-حَلْزَقْ بَلْزَقْ فِي كُلْ شَيْئ يَلْصَقْ...؟؟؟

-جَدَّة رَافْدَة جَدِي وَ جَدِي رَافَدْ وْلَادُو وِ وْلَادُو رَفْدِينْ وْلَادُهُمْ...؟؟؟

-جنان بلا اهلو ماهو ليه ماهو لولدو

-زوج سبولات في قاع البير ما عرفتهم قمح و لا شعير ؟

-حـاجيتك ضرة على حرة ، جـاتها مجي الحوتة ، اللي حضروا لطلاقها حيين واللي حضروا لزواجها موتى !

-على حنش ممدود وراقد تحت السدود هو بيض واولادو سود

-تمشي ترب ترب و تخلي مصرانها في الخرب ؟

-اللي اسموا بالباء و البا هي لباسوا كي يوصلوا للنص يخنقولوا راسو ؟

-تبدى بالميم

و الميم في راس الجبل قْباتْ

منعرفوها لا حنا لا لجيل لي فات

-على الشاحبات الطاربات الناشفات من العرق هاربين من وقت الصيف وداخلين للغرق ؟؟؟؟؟؟؟

- حجيتك ط مطوطة في دار السلطان الام حنينة والاب شيطان

-على طيرنا لغاط ولغطتو حنينة ساكن بين الجرف والمدينة ؟؟؟

-على فارس جاء من قبلة والنجوم تساير فيه هو ما يعرف والطلبة حاروا فيه ؟؟؟؟؟؟؟؟؟

-