نصائح وطرق بسية لتحفيظ القرآن الكريم والنتيجة هايلة

[ندعوك للتسجيل في المنتدى أو التعريف بنفسك لمعاينة هذه الصورة]

نصائح وطرق بسييطة لتحفيظ طفلك القرأن الكريم والنتيجه هاااايلة ..وعن تجربة

[ندعوك للتسجيل في المنتدى أو التعريف بنفسك لمعاينة هذه الصورة]

\السلام عليكم يا أمهات اجيال المستقبل

اتا مش هرغى كتتير وهبدا فى الموضوع على طول

وطبعا موضعنا باين من عنوانة طرق بسيطة وجميلة جربتها مع بنوتى فى حفظ القران وماشاء الله النتيجة جميلة جدا
اولا لازم تعرفى بنتك او ابنك كانة القرآن واهميتة بشكل مبسط وسلس

ثانيا لازم بردو تعلميهم مدى احترام القران سواء اثناء القراءة او عند الانتهاء وحفظ المصحف فى مكان محدد غير معرض للعب اوتناول الاطفال
ثالثا تفهميهم ببساطة بركة القرآن وتاثيرة علي حياه من يقراه بانتظام
رابعا لابد من المكافاءة والافتخار بابنك او بنتك امام القربين من الاهل والجدود عند حفظ سورة قصيرة
نييجى بقى للطرق بتاعتنا
طبعا انا هقولكوا عن تجربتى انا الشخصية مع بنوتى ولمجرد انها حاجة جابت نتيجة كويسة جدا يعنى الموضوع مش منقول خااااااااالص

الطريقة الاولى

التردييييييييييد

طبعا من اهم طرق حفظ القراءن للسن الصغير هو طريقة الترديد الى هو كان زمان الكتاب
والطريقة دى ناجحة بشكل غير عادى
يعنى ممكن جدا تندهى بنوتك وتقوليلها يلا نقول القران الجميل وتبداءى فى ترديد الايات وتطلبى منها تقول وراكى وطبعا تخلى بالك على اد مقدرتها فى نطق الحروف من الطريقة الصحيحة للقراءة
وتبدأى فى ترديد الاية اكتر من مرة وهى وراكى ولو لاقيتيها بدات تنشغل بحاجة تانية استمرى انتى فى الترديد وبعدين ابداى قولى اول الاية بس هتلاقيها بتكمل واول الاية التالية بردو هتلاقيها بتكمل وبعدين مع التكرار هتلاقيها حفظت
بس فى حاجة مهمة جدا لما تحسى ان طفلك مل وقفى مباشرة دون اى ضغط
ووقت ما تحسى انه عندة استعداد ابدا فورا هتلاقية مستجيب
وان شاء الله النتيجة هتفرحك
وطبعا اول ما بابا ييجى نجرى نحكيلة الى حصل واد اية هى شطورة وممتازة ونسمعله كمان الى حفظناه وده كمان مع تى تا وجدو وكل الى بنحبهم وبيحبونا

الطريقة الثانية
طريقة التسجيل

لما طفلك يبدا فى حفظ اية او اتنين متصلين سجليلة صوتة على الموبايل او على مسجل صوت وهو بيقول القران وسمعيهوله .. هيفرح جدا وكل ما تزودى اية اطلبى منه يقول من الاول علشان نسجل تانى ونسمع نفسنا فى جزء اكبر طبعا الموضوع دة هيفرحه جدا جدا وهيحفزة للحفظ وطبعا مع تكرار سماع صوتة هتثبت الصورة الى انتى بتحفظيه
وبردو لما ييجى بابا نجرى ونحكيله ونسمهه صوت القمر الصغنن على الموبايل واد اية هو جمييييييييييييل

الطريقة الثالثة

وهى طريقة عد الاخطاء

بعد ما طفلك يحفظ سورة من قصار السور بس لسة الحفظ نص نص اطلبى منة يبدا وقوليلة انا هرفع ايدى لفوووووووووق وانا قافله صوابعى كلها وكل ما هتقف او هتقول غلط هرفع صابع يعنى عدد الصوابع بيساوى عدد الغلطات ولو قلت كله صح مش هرفع ولا صابع وتبقى كدة مقولتش ولا غلطة واشطر واحد فى الدنيا
هتلاقى طفلك وهو بيقول عينة على ايدك وكل ما ترفعى صابع هيطلب منك انه يقول من الاول وطبعا مع التكرار الموضوع هيثبت اكتر لغاية ماشاء الله ما تلاقى طفلك حفظ السورة كلها من غير ولا غلطة
ساعتها بقى حضن كبييييييير وبوسة من ماما وتليفون لبابا يجيب هدية وهو جاى

الطريقة الرابعة

طريقة التذكير

ودى بقى انك تحاولى تقربى معانى القران لطفلك بالاشارة وانتى بتحفظية يعنى مثلا كلمات الويل والعقاب والتبداى تاخدى شكل الصرامة والشدة كلمات بشر والجنات العيشة الراضية تبدا تاخدى انطباع الفرح والبهجة وكلمات الصلاة والعبادة ترفع ايدك عند اذنيك مثل التكبير فى بداية الصلاة وكلمات ارايت ما ترى تشاورى على عنيك وهكذا
ولما طفلك يبدا يقول الصورة لوحدة ابداى انتى بس فى عمل الانطباعات والاشارات بدون قراءتك للسورة هتلاقى عنية عليكى وقال السورة بشكل مسترسل ويسر وحفاظها بسهولة جدا
هى دى الطرق الى انا اتبعتها مع بتوتى وماشاء الله جابت نتايج حلوة جدا
وربنا يبارك لنا جميعا فى اولادنا ونشوفهم من حفظة القران ويقروا اعيوننا وقلوبنا باذن الله
الى يعجبها الموضوع وتستفيد منة تدعيلى الله ان يشفى امى ويحفظ لى اولادى وزوجى
والسلاااااااااااااام